Аб арганізацыі Пасольствам Беларусі на Кубе паказу кінадылогіі «Спаленыя вёскі» і «Лагеры смерці»
03.07.2025 г.3 ліпеня 2025 г. з нагоды Дня Незалежнасці Рэспублікі Беларусь Пасольствам Рэспублікі Беларусь у Рэспубліцы Куба арганізаваны паказ кінадылогіі «Спаленыя вёскі» і «Лагеры смерці», знятай на аснове матэрыялаў расследавання крымінальнай справы аб генацыдзе беларускага народа ў гады Вялікай Айчыннай вайны. Кінапаказ адбыўся ў г.Гаване на базе кінатэатра «Cine Charles Chaplin».
У мерапрыемстве прынялі ўдзел прадстаўнікі кубінскіх міністэрстваў і ведамстваў, грамадскіх арганізацый, дыпламатычнага корпуса, акрэдытаванага на Кубе, а таксама студэнты, якія вывучаюць рускую мову.
Ва ўступнай прамове Надзвычайны і Паўнамоцны Пасол Рэспублікі Беларусь у Рэспубліцы Куба Віталій Барчук звярнуў увагу на шкоду, нанесеную нашай краіне і беларускаму народу падчас вайны. Адзначыў, што такія фільмы — не проста гісторыя, гэта перасцярога, чаму так важна захоўваць і абараняць праўду пра Вялікую Айчынную вайну і не дапусціць адраджэння фашызму і новых актаў генацыду супраць любога народа.
