Аб рабочай сустрэчы Пасла Беларусі В.Барчука са Старшынёй праўлення Банка знешняга гандлю Кубы
23.03.2025 г.21 сакавіка 2025 г. Надзвычайным і Паўнамоцным Паслом Рэспублікі Беларусь у Рэспубліцы Куба В.Барчуком праведзена рабочая сустрэча са Старшынёй праўлення Банка знешняга гандлю Рэспублікі Куба Даімі Дэніс Авіла. На сустрэчы прысутнічалі генеральны дырэктар па бізнесе дадзенага банка Даямі Ісідра і камерцыйны дырэктар банка Анніэлі Эстэвес, а таксама кіраўнікі структурных падраздзяленняў банка, якія адказваюць за супрацоўніцтва з Рэспублікай Беларусь.
У ходзе перагавораў разгледжаны бягучы стан праектаў, якія рэалізуюцца паміж Кубай і Беларуссю з удзелам Банка знешняга гандлю Кубы і ААТ «Банк развіцця Рэспублікі Беларусь».
Адзначана паспяховая рэалізацыя ў межах міжбанкаўскіх індывідуальных пагадненняў першых праектаў па пастаўках на Кубу беларускага сухога малака і перспектывы падпісання новых міжбанкаўскіх пагадненняў як на пастаўку сухога малака, так і на пастаўку беларускай сельскагаспадарчай тэхнікі.
Бакамі выказана ўзаемная цікавасць у далейшым пашырэнні міжбанкаўскага супрацоўніцтва ў гэтым напрамку.
