Аб сустрэчы Пасла Беларусі В.Барчука з губернатарам правінцыі Гавана
16.04.2026 г.
10 красавіка 2026 г. Надзвычайны і Паўнамоцны Пасол Рэспублікі Беларусь у Рэспубліцы Куба Віталій Барчук сустрэўся з губернатарам правінцыі Гавана Янэт Эрнандэс Перэс у пашыраным складзе. На перагаворах таксама прысутнічалі кіраўнікі вядучых кубінскіх кампаній, якія прадстаўляюць ключавыя галіны эканомікі горада і правінцыі.
Кіраўнік загранустановы правёў прэзентацыю экспартнага патэнцыялу Беларусі, зрабіўшы акцэнт на напрамках, якія традыцыйна ўяўляюць цікавасць для кубінскага боку.
У рамках сустрэчы абмеркаваны перспектывы далейшага развіцця беларуска-кубінскіх адносін у галіне камунальнай і сельскай гаспадаркі, харчавання, будаўніцтва, фармацэўтыкі, лёгкай прамысловасці і машынабудавання. Кубінскім бокам выказана зацікаўленасць у пашырэнні двухбаковага супрацоўніцтва па рэалізацыі комплексных рашэнняў, накіраваных на добраўпарадкаванне горада і яго наваколля.
Па выніках перагавораў вызначаны новыя эфектыўныя механізмы ўзаемадзеяння з улікам актуальнай сітуацыі ў краіне і рэгіёне.
